Velkomen til garden Bråte 

Ein stad natur og sinn møtes

Heila på Bråte er ein besøks- og velferdsgard. Bøndene Margrethe og Tore eig og driftar garden med sin familie.

Heila på Bråte er ein stad for meistring, gleda og sinnsro.

Gard og naturfritidsleir 2026

Me takkar for fantastiske dagar med både store og små, firbeinte og tobeinte! Me hadde knallflotte dagar. Me ser fram mot planlegging av leiraktivitetar i haustferieveka 41. Det er mogleg å melda interessa allereie no om leirplass i veke 41.


GFO - Gard og naturfritidsordning 2026

GFO har laupande påmelding, og fyrste moglege oppstart vert veke 38. Det er mogleg med inntil 2 dagar i veka. Dersom det ikkje passar med at foreldre køyrer eller henter, så er det rutebuss som går begge veger innanfor GFO-tida til og frå Eidfjord. Er du ifrå ein annan kommune, så er de hjarteleg velkomen til å nytta GFO tilbodet de og, sjekk ut skyss sine rutetilbod. Vår haldeplass er Indre Bu aust. 

Sjekk ut lenka for meir informasjon om GFO-ordninga!

Mennesker har ein instinktiv tiltrekning til liv og alle levande systemer - Edward O. Wilsons

Det å ha et nærare forhold til naturen har ein direkte samanheng med det å være lukkeleg - McMahan & Estes 2015


Gard- og naturfritidsleir

I veke 33 hadde me leir onsdag til fredag. Dette synes me var så kjekt at er i gang med planlegging av leirtilbod i haustferien. Så følg med vidare for meir informasjon og oppdateringar.

Me har storkost oss med borna og kjenner oss takksame for fantastiske dagar med store og små, firbeinte som tobeinte! 

Sjekk ut lenka for Gard- og naturfritidsleir for meir informasjon rundt leirtilboda.

Me har også opna opp for påmelding til Gards og naturfritidsordninga for hausten 2026. Sjekk ut lenka over for meir informasjon.

Våre tilbod

Heilapraten

Margrethe byggjer heilapraten på gestaltteori, emosjonsfokusert teori, naturbasert terapi og heste- og dyreassisterte intervensjonar. Tilnærminga er opplevingsorientert og tek utgangspunkt i at endring skjer når menneske vert merksame på eigne kjensler, behov og ressursar i notida. ´Samtalen føregår i skog og mark eller på garden, alt etter behov. 

Gards- og naturbasert arbeidstrening

Gards- og naturbaserte intervensjonar er eit tilbod for dei som kjenner at kvardagen buttar imot, kanskje tankekøyret tek over eller arbeidet kjennes krevjande å stå i. Aktivitetane og intervensjonane kan tilpassast behovet. Me samarbeider gjerne med NAV og kommunar ved interesse. 

Kurs og workshops

Eg (Margrethe) kombinerer mi utdanning og 20 års erfaring innan fysisk og psykisk helsearbeid med eigenerfaring i bruk av natur og dyr si innverknad på vår mentale helsa.

Sjekk ut lenka for meir informasjon eller ta kontakt for ein uforpliktande prat. 

Gards- og naturfritidsordning

Born frå 1.-7.klasse kan få koma på gards- og naturfritidsordning. Me legg opp til aktivitetar som gjev meistring og  kroppsgleda. Med nok interessa har me fast oppstart frå hausten 2026.

Open gardsdag

Kom og ver med på ein trivleg dag på garden, der du får helsa på dyra våre, ta del i den daglege drifta og andre tilrettelagte aktivitetar. Det vert også høve til å kjøpa seg noko lett mat og kjøpa seg noko i gardsutsalet. Det vert lagt ut kalendar med informasjon om oppstart og oppdaterte tider.

Gard og naturfritidsleir

Sjekk ut lenka for meir informasjon om leir for born frå 1. til 7.klasse.

Meir informasjon får du ved å sjekke ut lenka.
Våre tilbod

Om oss - Heila på Bråte

Garden Bråte er ein familiedreven gard med storslagen utsikt og eit stadig skiftande landskap i takt med været.

Våre tilbod byggjer på biofilihypotesen, som tek utgangspunkt i at mennesket vert trekt mot naturen og dyra. Dette opplever mange gjev sinnsro. Eg (Margrethe) kombinerer mi utdanning og 20 års erfaring innan fysisk og psykisk helsearbeid med eigenerfaring i bruk av natur og dyr si innverknad på vår mentale helsa.

Ute på garden vår går 2 kaldblodstravar og 2 shetlandsponniar, og i løpet av våren kjem jærhønsene og trønderkaninene ut. Ei tispe av rasen norsk svart elghund går og på tunet. Dette er ein fristad, langt nok vekke frå tjas og mas. Ein stad der me kan trekkja pusten, hovudet får klarna, og sjela fred og ro til revitalisering og nytenking.

Alle tilboda vil knytta seg opp imot garden, dyra og naturen i ei eller anna form.

Om oss

Naturen

I møte med naturen kan stresshormonane minka. Når hjernen vår får næring i form av mindre stressrelaterte tilstandar, er det også enklare å ta fatt på det som er med på å skapa uhåndterbart stress i kvardagen. 


  • Terapi og vegleeiing
  • Gardsfritidsordning
  • Mentalisering og sjølvutvikling
  • Kurs tilpassa dykkar behov
Gards- og naturbasert

Ta kontakt med oss

Ta kontakt med oss