GFO

Ønskjer du å gje bornet ditt høve til ein annleis aktivitetsdag?

Me hadde eit pilotprosjekt med GFO no i vår, med gode tilbakemeldingar. Me vel derfor å sjå om det er interessa for GFO hausten 2026. GFO føl skulekalendaren. Me har plass til 8 born 1 dag i veka, med atterhald om nok påmeldte. Dette vert då onsdag. Ved stor nok interessa satsar me på to dagar i veka og då vert det onsdag og torsdag.

Gards- og naturfritidsordning er ei trygg og kjekk fritidsordning for born som vil vera ute, læra om dyr og oppleva naturen på nært hald. Ordninga går føre seg ein til to faste dagar i veka på garden. Me er opptekne av tett oppfylgjing og ønskjer eit  godt og oversiktleg miljø. 

Tilbodet er laga for å sjå om det er interessa for gards- og naturaktivitetar, og for å kunna utvikla innhaldet i samarbeid med både born og foreldre. Målet er å vidareutvikla eit stabilt og bærekraftig tilbod til kommunen og nærområda.

Her får borna vera med på enkle gardsoppgåver, stell av dyr, tilrettelagte aktivitetar med dyr, leik i skog og mark, og praktisk læring som styrkjer meistring, ansvarskjensle og naturglede.

Gjennom faste rutinar, små grupper og nær kontakt med vaksne vert det lagt til rette for rolege, trygge og lærerike dagar ute. Gards- og naturfritidsordninga passar særleg godt for born som trivst ute, likar dyr og å vera ute på garden og i naturen.

Gardsfritidsordninga er eit fritidstilbod for born frå 1.-7. klasse som ynskjer ein aktiv og lærerik ettermiddag i trygge omgjevnader på garden. GFO opnar kl. 13:30 og er åpen til kl. 17:00, kor kjernetida er frå 14:30-16:30.

Gjennom varierte fysiske aktivitetar, samarbeid og praktiske oppgåver vert det lagt til rette for at borna skal oppleve meistring, trivsel og glede. Gardsfritidsordninga skal vere ein arena der born kan utvikle sosial kompetanse, lære om natur og landbruk og få ein meiningsfull kvardag etter skuletid.

Når borna kjem får dei servert eit enkelt og næringsrikt lunsjmåltid.

*Pris per mnd for ein dag i veka er 1600,- inkl mat og drikka

*Pris per mnd for to dagar i veka er 2900,- inkl mat og drikka

Prisen inkluderer mat og alt av tryggleiksutstyret og tett oppfylgjing av bornet med 1 vaksen per 4.born. 

Per i dag har me ikkje ei eiga transportordning. Det går rutebuss frå Eidfjord kl. 13:18 og kl. 14:22. Attende til Eidfjord går det buss kl.16:38. Me møter borna på busshaldeplassen og føl borna attende til busshaldeplassen når dei tek buss. 

Ved henting, skal foreldre, eller andre som foreldra på førehand har godkjent skriftleg, henta borna på garden. Den som hentar bornet må alltid melde ifrå til den ansvarlege vaksne på GFO-ordninga før de reiser med bornet.

GFO er planlagt at skal vera åpent onsdagar med atterhald om endringar og nok påmeldte, og ved to dagar i veka er det førebels satt til onsdag og torsdag.  

Spond appen vert nytta som sikkert kommunikasjonsverktøy mellom GFO og foreldra. 

Meld di interesse med å senda inn skjema under med antal born og alder på bornet(borna) og di e-postadresse innan  23. august for 2026. (Eksempel: 1 born, 8 år, epost@mail.no) Oppstart i veke 36. 

*Prisen tek utgangspunkt i ein standard månad med 4 veker. Eks. 1600,- pr. mnd / 400,- pr. dag ved påmelding til 1 dag i veka i mnd. Fakturaen vert justert etter faktisk tal på dagar den aktuelle månaden. Ved færre dagar pga. påske eller andre feriar vert det eit fråtrekk på 400,- per dag. Månader med 5 aktuelle dagar vert fakturert med eit tillegg på 400,-.

Ta gjerne kontakt for meir informasjon og ein uforpliktande prat om det er noko du lurer på.