Open Gard

Open gard – læring og oppleving for born, unge og vaksne

0pen gard vert annonsert på førehand og vil verta ein dag i månaden. Denne dagen inviterer me til ein innhaldsrik dag der born, unge og vaksne får innsikt i dagleglivet på ein gard. Besøkjande får oppleva  jordbruk, naturforvaltning, dyrehald skogbruk og levande gardskultur der  tradisjonar vert teke vare på.

Gjennom dagen vert det høve til å helsa på fleire ulike husdyr. På garden finst Norsk kaldblodstravar, shetlandsponni, trønderkaniner, dverg jærhøns og norsk elghund sort. Dei fleste av desse, med unntak av shetlandsponnien, er nasjonale rasar som har ein viktig plass i norsk landbrukshistorie. Sjølv om shetlandsponnien ikkje er ein norsk nasjonalrase, har han eit nært slektskap til fleire norske hesterasar. Under vikingtida, då Shetlandsøyene høyrde til Noreg, tok nordmenn med seg hestar som vart kryssa med dei lokale ponniane. Slik vart grunnlaget lagt for den robuste og allsidige shetlandsponnien som er kjend i dag.

Open gard passar for familiar og alle som ynskjer ein lærerik og triveleg dag.